.
Subscribe to my channel Youtube.com/user/DaLiaMuzic
TAMA LIU MAI BAINAKA SIRA, BEM VINDO E OBRIGADA PELA VISITA!

quinta-feira, 13 de setembro de 2012

Hau Iha Ne, e O Iha Hau Nia Sorin...!


Tempo la'o dada'uk ona,
segundo, minuto, horas, loron, fulan to tinan
e hau iha nee, mesak, ho hau nia hanoin, ho hau nia memoria
ta'uk despedida, tauk atu temi liafuan ida,
liafuan ADEUS!

Hanesan horseik ita hasoru malu,
hanesan horseik, hau iha O nia sorin,
Horseik hau hakuak O, Hau rein O, Hau sinti O,
Sinti O nia isin manas, mamar no confortavel



Iha kalan...  Lakan
Iha loron...  Nabilan
Visao ida nebe furak.... e Furak tebes duni, susar atu haluha,
Susar atu hadok a'an ... Susar atu dehan "ate um dia"!

La'os deit tamba Hadomi,
la'os deit tamba Domin,
la'os deit tamba Ka'an,
Maibe tamba Ita Hamutuk,
la'os deit liu husi ita nia isin,
maibe Hamutuk mos ho Klamar!

Dader...  Hau Sinti
Lokraik... Hau Hanoin
Kalan... Hau Mehi

Hau mehi hanesan O iha nee
Tamba hau Saudades O
Hau sinti O nia Falta
Tamba Hau Hadomi O

E hau hadomi O la'os deit tamba O, maibe...
Tamba O nia laran
Tamba O nia diak
Tamba O nia hahalok

E hau sei la haluha... Wainhira hau iha susar nia laran,
Wainhira hau fraku,
Wainhira hau moras...
O mak iha hau nia sorin, O mak mai hamaluk hau
O la husu, la questiona, la litik, la julga...
Tamba O hatene tutan realidade nebe iha ita nia klaran

Tempo la'o dada'uk ona, nene'ik...
segundo, minuto, horas, loron, fulan to tinan
e hau iha nee, mesak, ho hau nia hanoin, ho hau nia memoria
agora hau hatene, agora hau foin compreende, liafuan ida O dehan mai Hau,

Hau Iha Ne, e O Iha Hau Nia Sorin...!

Dalia Kiakilir
Oxford, Setembro, 13, 2012

Sem comentários:

Enviar um comentário

Publicação em destaque

"ÉS VIVA"

"És viva" A todas as mulheres Estás triste, Estás só Porque ninguém te fala Porque ninguém te liga Ninguém quer saber d...